HôteL KVL ស្ថិតនៅលើច្រាំងនៃបឹងទន្លេសាប ដែជា “បឹងទឹកសាប” តភ្ជាប់បឹងធំនៅចំកណ្ដាលកម្ពុជាដល់ទន្លេមេគង្គ។
ដងទន្លេដែលលាតសន្ធឹងវែងនេះ គឺជាស្ថិតនៅចំកណ្ដាលរាជធានីភ្នំពេញតាំងពីរាជធានីនេះកកើតឡើងមកម្ល៉េះ គឺនៅពេលដែលរឿងព្រេងបាននិទានថា “ជីដូនពេញ” បានប្រទះឃើញដើមឈើមួយដើមមានរូបសំណាក់ព្រះពុទ្ធរូប និងព្រះវិស្ណុនៅក្នុងអណ្ដែតតាមទឹកទន្លេមក។ វត្តភ្នំ ដែលមាននូវវត្តនៅលើកំពូលដែលអាចមើលឃើញទីក្រុងបាននោះ គឺស្ថិតនៅចម្ងាយតែប៉ុន្មានជំហានប៉ុណ្ណោះដោយធ្វើដំណើរថ្មើរជើងពីខាងជើងសណ្ឋាគារ ដែលត្រូវបានកសាងឡើងដើម្បីជាទីសម្គាល់ទីកន្លែងបុព្វបុរសដ៏សក្ដិសិទ្ធនេះ។ ព្រះបរមរាជវាំង រួមបញ្ចូលទាំងវត្តព្រះកែវមរកតដ៏អស្ចារ្យ និងវត្តឧណ្ណាលោម ដែលជាទីតាំងពុទ្ធសាសនាដ៏សំខាន់បំផុតមួយនៃប្រទេសនេះ គឺស្ថិតនៅចម្ងាយតែពីរបីរយម៉ែត្រប៉ុណ្ណោះពីខាងត្បូង Hôtel KVL។

បច្ចុប្បន្ន តំបន់នេះ​គឺជាកន្លែងដែលបុរាណជួបនឹងសម័យទំនើប ជាកន្លែងដែលមួយចំណែកនៃជីវិតរស់នៅបែបប្រពៃណីជនជានខ្មែរគឺនៅតែឃើញមាននៅក្នុងចំកណ្ដាលនៃរាជធានីដែលមានការរីកចម្រើនរស់រវើក និងពោរពេញទៅដោយជនជាតិចម្រុះជាតិសាសន៍មួយនៅក្នុងតំបន់អាស៊ី។

អ្នកលក់តាមផ្លូវ និងផ្សារក្នុងស្រុកដ៏មមាញឹកស្ថិតនៅក្បែរបារស្រាក្រឡុក និងតៀមស្រាលាក់ខ្លួនជាច្រើន។ អ្នកអាចជ្រើសរើសអាហារតាមផ្លូវប្រពៃណីជនជាតិខ្មែរ ឬក៏នំបញ្ចុកសម្លខ្មែរដ៏ឈ្ងុយឆ្ងាញ់ ឬក៏នំគុយឆាយចៀនក្ដៅៗស្រួយនៅចំពោះមុខអ្នកតែម្ដង ឬក៏ការទទួលទានអាហារប្រណីតទំនើបចម្អិនដោយមេចុងភៅក្នុងប្រទេសដ៏មានទេពកោសល្យ។ Hôtel KVL គឺជាទីសម្រាប់ម្ហូបអាហារលំដាប់អន្តរជាតិ រួមបញ្ចូលទាំងភោជនីយដ្ឋាន El Tapas ដែលជាភោជនីយដ្ឋានអេស្ប៉ាញដ៏មមាញឹករបស់យើង។

អង្គុយគយគន់ថ្ងៃលិចនៅទន្លេ ខណៈដែលទទួលទានស្រាក្រឡុកនៅជាន់ដំបូល និងមើលពីទិដ្ឋភាពរស់រវើកតាមដងទន្លេ មើលគ្រួសារញ៉ាំអាហារខាងក្រៅជួបជុំគ្នានៅសួនមុខព្រះបរមរាជវាំង និងអ្នករស់នៅទីក្រុងភ្នំពេញទាំងចាស់ទាំងក្មេងហាត់ប្រាណ និងស្រូបយកខ្យល់អាកាសត្រជាក់បរិសុទ្ធនាពេលល្ងាច។

ពេលយប់គឺជាពេលសម្រាប់អ្នកស្វែងយល់បន្ថែមអំពីកន្លែងនៅជុំវិញក្នុងតំបន់នេះ ហើយទៅកម្សាន្តនៅបារក្នុងតំបន់ដែលមានភាពទាក់ទាញ ឬជិះតាក់ស៊ី ឬរ៉ឺម៉កកង់បី ហើយស្វែងរកទីតាំងស្អាតៗ និងគួរឱ្យរំភើបដែលសំងំលាក់ខ្លួននៅក្នុងទីក្រុងភ្នំពេញ។